CONCERTO DA ESCOLA DE MÚSICA DE ROIS

  Onte martes, disfrutamos dun concerto moi divertido no ximnasio do cole. A escola de música de Rois chegou cos seus instrumentos e as súas ganas de contaxiarnos o pracer de tocar e escoitar música e puxo toda a súa enerxía para facernos cantar e bailar co seu ritmo. A profe Blanca, que imparte as clases de música no cole, tamén participou tocando o saxofón.

   E non só escoitamos música senón que todos nenos e nenas tiveron a oportunidade de tocar os diferentes instrumentos. Foi unha mañán ben interesante e divertida. A música sempre é unha boa maneira de pasar o tempo, ben sexa escoitándoa, ben sexa tocando calqueira instrumento. E poder disfrutala en vivo tamén é algo digno de agradecer. Así que, desde este blog, quero darlle as grazas á Escola de música de Rois por adicarnos este tempo e facernos disfrutar e, tamén, á mestra Blanca por organizar estas fantásticas actividades.

  Algúns nenos e nenas tiveron moita curiosidade e ganas de experimentar, quixeron probar varios instrumentos e disfrutaron a experiencia. Outros/as non se animaron e mostráronse un pouco reticentes a experimentar cousas novas. Penso que o instrumento que máis disfrutaron en xeral foi a batería. Eu sempre digo que a percusión ten un poder especial para conectar co noso interior, cos latidos do noso corazón. Encantaríame quemoitos nenos e nenas se animaran a ir a clases de música porque é algo moi enriquecedor que nos axuda a desenvolver moitas habilidades físicas, intelectuais e emocionais.