ENTROIDO MUSICAL 2022

     O venres 25 celebramos o Entroido 2022 con moito ritmo, con alegría, cun montón de artistas e celebridades que apareceron polas aulas de infantil e, sobre todo, con ganas de festa e de compartir momentos inesquecibles. O Entroido é unha celebración que nos permite soñar, crear historias, imaxinar situacións fantásticas, compartir ilusións e botar unhas risas cos creativos disfraces que cada neno e nena portaba co estilo e a actitude axeitados para a ocasión. O mundo da música dá moito de sí para elaborar disfraces e así foi. Na Pementeira estiveron presentes rockeiros/as e rapeiros, bailarinas e pandereteiras, pianos e partituras, a Fada de Azucre (do Crebanoces) e artistas archirecoñecidos como Freddy Mercury, Michael Jackson, David Bowie, Rosalía, Olivia Newton-John e Elvis Presley.

       Para que todas as familias podades facervos unha idea de como foi a celebración deste Entroido, aquí vos deixo dous vídeos coas fotografías que sacamos cos nosos disfraces e cos momentos estelares da festa, así como o pequeno desfile que organizamos en infantil para que todos os nenos e nenas tivesen a oportunidade de disfrutar cos disfraces dos compañeiros/as das outras aulas de infantil.

    Por si alguén quere descargar algunha foto que teña ganas de gardar de recordo, aquí quedan sin marcos e sin efectos engadidos. Tamén hai imaxes que non incluín nos vídeos, por exemplo da merenda e das selfies que Elvis quixo facer con todos os artistas da Pementeira.

                                       

                                       

                                       

    

   

                                 

                                 

         Tamén nos visitou Manolo ataviado de Xeneral da Ulla.

                                      

   Espero que nas casas estedes disfrutando do Entroido dentro da prudencia dada a presencia aínda deste virus que nos está impedindo celebrar estas festas como realmente quixéramos. Pero quero reiterar que temos moita sorte de atoparnos ben, de ter sentido do humor e ganas de pasar bos momentos con estes nenos e nenas cheos/as de ganas de vivir. Así que grazas a todos/as os que mantedes ese espíritu festivo e quixéchedes transmitirllo aos vosos/as fillos/as para que o trouxeran ao cole e viviran este Entroido con alegría. Espero que tamén pasárades uns minutos agradables, divertidos e familiares vendo estas fotos e vídeos. ¡Bo Entroido ás familias pementeiras!