DÍA DA PAZ

     O luns 30 de xaneiro celebramos o Día da Paz.  Durante a pasada semana estivemos preparando unha actividade conxunta coas outras aulas de infantil. Xa compartín as fotos de todo ese proceso de creación, no que participaron todos/as. A actividade consistía en decorar dúas pezas dun puzle xigante a modo de collage.O luns todos xuntos saímos ao patio de columnas para darlle forma a espuzle xuntando as 8 pezas, 2 elaboradas por cada unha das aulas de infantil. ¿queredes ver o resultado?. Pois imos alá...

   Os nenos e nenas das aulas de educación primaria tamén fixeron os seus propios puzles e colocámolos todos xuntos. ¡Mirade que efecto tan bonito fan todas as pombas da PAZ!

     Como estivemos falando moito da paz, lemos contos e poemas sobre ese tema, coñecemos a importantes persoeiros como Gandhi, pois tamén escoitamos fermosas cancións como One Love de Bob Marley e Imagine de John Lennon. Aproveitamos para disfrutar coa música mentres facemos algunhas tarefas impresas e dá gusto ver aos pementeiros e pementeiras facendo as cousas relaxadamente, concentrados nas actividades e escoitando esa música tan bonita. Teño que dicir que, sin dúbida, nesta aula triunfou Imagine de Lennon, que lles encantou e querena escoitar cada día, e non se escoita un chío, pasmados cara a PDI mentres ven o vídeo e xa van soltándose a cantar o estribillo. Eso sí, hoxe algunha pementeira xa apuntou que "esa muller que está ao lado de John Lennon (Yoko Ono) está moi seria". Pero salvo ese detalle, a canción encántalles.

    Aproveito xa esta entrada do blog para contarvos que recibimos algunhas cousiñas para o recuncho do proxecto. Leo trouxo un libro sobre Cristóbal Colón, e Mateo L. dous contos de Lolota, que é unha nena moi viaxeira e foi a París e a India. xa imos tendo cousiñas para ler, investigar, contemplar, comentar... e de todas esas maneiras imos aprendendo.

 O Libro dos Nomes sigue viaxando. Estou encantada porque todos/as o queren levar e iso é estupendo. Seguro que xogando van identificando os nomes e as letrase , así, de xeito lúdico imos avanzando no proceso lecto-escritor. O importante é que xoguen con el, que o compartan coa familia, que o miredes xuntos, que disfrutedes das imaxes, que xoguedes un pouquiño todos xuntos tamén, claro e que teñan esa ilusión de mostravos aos compañeiros e compañeiras e os libros do cole. Espero que manteñan o entusiasmo e sobre todo desexo que as familias o disfruten. 

 

    E hoxe fixemos unha tarefa impresa moi bonita sobre o Taj Mahal. Aproveitando que xa coñecemos este monumento grazas aos Bits de Intelixencia e que Mateo trouxo o Libro de Lolota viaja a la India, hoxe contamos o conto, pintamos o Taj Mahal e practicamos o trazo da T e da M que tamén nos ven moi ben porque estamos escribindo os nomes e empezando a asociar algúns fonemas cos seus grafemas correspondentes. Aproveitamos para recordar a Gandhi e a Indira Gandhi e falamos das vacas e dos elefantes da India. Foi un día de moita información. Estou noi contenta co  resultado do traballo de hoxe, Estiveron concentrados e o resultado salta á vista. Dá gusto ver as tarefas de hoxe. ¿Non me digades que non é fantástico ver o ben que traballan cando queren? Estou moi orgullosa deles e delas. Espero que sigan traballando así de ben.

                                      

PREPARANDO O DÍA DA PAZ

    O luns 30 de xaneiro conmemoramos o Día da Paz e estamos preparando unha actividade conxunta cos outros grupos de educación infantil para ir concienciando aos peques da importancia de aprender a convivir, de traballar en equipo, de respectarnos os uns aos outros, de resolver os conflictos que xurdan falando e non pegándonos... Estamos lendo contos que falan da Paz, a convivencia, o respecto ás diferencias, as loitas pacíficas polos dereitos de todos/as. falamos un pouquiño de Ganghi e de Wangari Mataai, escoitamos cancións que falan da Paz como "One Love" de Bob Marley ou "Imagine" de Lennon e empezamos unha actividade plástica que vos mostraremos o luns cando a rematemos todos e todas os nenos e nenas de infantil do Rosalía. Así que mirade as fotos a ver se adiviñades o que estamos a facer...