Xa recibimos varias fotos de cabazas monstruosas e divertidas, algunhas musicais, outras momificadas, outras tipo xoia e outras tipo meiga ou morcego. Hai de todo, como en botica. Podedes ir pensando cal vos gusta máis porque o concurso está en marcha!
¡Parabéns pementeiros e pementeiras por estas mostras de creatividade samainesca! A ver se aínda aparecen máis participantes...
E mentres esperamos se hai máis participantes no concurso de cabazas, aproveito para mostrarvos como quedou, finalmente, o noso graffiti musical que pronto colocaremos no seu lugar definitivo. Espero que vos guste! Como dixo hoxe Teo: "Quedou moi real". A ver o que opinades vos! A nós, equipo pementeiro de infantil, gustounos moito.
Este é o resultado dun bo traballo en equipo.
E hoxe rematamos a primeira ronda de encargados e encargadas. Así que mañán toca empezar de novo. Aquí están, facendo o seu traballo, Hugo, Lucía e Teo. ¿Quen empezará a nova ronda mañán?
