Aínda nos quedaban algunhas cousiñas que mostrarvos así que é o momento de ver as últimas fotos dos nenos e nenas da Pementeira durante o curso 2020-2021: a realización das bolsas nas que levaron os seus traballos, e a festa do último día de curso.
O curso pasou a toda velocidade, foi moi productivo, con momentos moi divertidos, outros máis complicados, pero houbo moitas actividades diferentes, moitas vivencias enriquecedoras, moitas charlas e reflexións, moitos xogos e cancións, moitos aprendizaxes e viaxes, moita arte e ritmo, moitas sorpresas e emocións... Así que con todo isto, eu fago unha valoración moi positiva do curso e desexo que todos os nenos e nenas lle saquen moito partido ao verán, que xoguen, que vaian á praia e ao monte, que canten e bailen, que lean relatos fermosos, que viaxen, que respiren aire fresco e tomen o sol, que se reúnan coa familia e os amigos, que anden en bicicleta e que fagan libremente moitas cousas que non se poden facer no inverno e que a todos nos apetece disfrutar no verán.
E aquí van xa as últimas fotos do curso escolar.
