RECOMÉNDOCHE UN LIBRO

      Con motivo da celebración do Día do Libro, decidimos facer as nosas recomendacións para aqueles nenos e nenas que teñan ganas de ler. Cada pementeira/o pensou cal é o seu libro favorito e despois de escribir o título fixo un debuxo sobre el. Non me sorprendeu nadiña que o conto máis recomendado sexa Kirikú e a bruxa Karabá porque é unha historia que sempre triunfa e eu teño a sorte de ver as caras dos peques cando llo conto, así que non teño unha mínima dúbida do moito que disfrutan con este pequeno africano. En fin, aquí están as suxerencias destes nenos e nenas.

   E para celebrar o Día do Libro o máis importante é ler, claro, e os pementeiros/as xa están todos rompendo a ler, algúns con moita soltura, outros con maís calma pero todos/as están avanzando moito. Desde o segundo trimestre xa imos lendo palabras soltas, máis ou menos sinxelas, e pouco a pouco algúns xa poden ler frases e textos . Estou moi contenta cos seus progresos e creo que eles/as tamén valoran moito ese pasillos que van dando porque teñen ganas de ler e iso é xenial.

 

DÍA DO LIBRO

    Onte, 23 de abril, conmemorábamos como cada ano o DÍA DO LIBRO. Na Pementeira sempre temos presente a importancia dos libros nas nosas vidas, como instrumentos de formación, de transmisión cultural pero tamén como vehículos de evasión, de disfrute e de expresión e canalización de emocións. Así pois, ademais de calqueira actividade que se poda planificar , a mellor maneira de darlle valor aos libros é empregalos nas aulas e nas familias, tocalos, contemplalos, mergullarse nas súas palabras e nas súas ilustracións, vivilos, comentalos, e deixar que as nosas sensacións vaian fluíndo libremente con eles.

   Pero o venres tivemos tamén unha sorpresa xa que a profe María veunos facer unha visita. Estábamos moi contentos de vela (e ademais tróuxonos uns agasallos, ¡qué sorte!)

    E, por suposto, non nos esquecemos da nosa sesión semanal de ioga. Nesta ocasión estivemos traballando pernas, glúteos e abdominais. Os exercicios parecen moi faciliños pero non pensedes que non nos estamos esforzando, xa que temos que colocarnos ben alineados, afianzar ben pes e mans no chan, apretar ben gluteos e abdominais, estirar pernas, brazos, e costados e manter as posicións durante uns minutos. ¡Traballamos con concentración e interese e logramos algunhas posturas realmente impresionantes!

Como vedes na Pementeira, coidamos o corpo e coidamos a mente.