Chegou a Pascua, este ano esperada con moita ilusión, e rematamos o segundo trimestre do curso. Un trimestre longo, con moitas conmemoracións e celebracións, e cheo de actividades diversas, variadas, interesantes e significativas. Houbo moitos avances en todas as aprendizaxes dos pementeiros/as e tamén diversión, ritmo, conversas, investigacións, xogos e todo o que habitualmente experimentamos na aula.
Xa todos/as levaron os seus traballos e as súas calificacións nas bolsas elaboradas para esa función, así que xa sabedes como foi todo nestes meses de traballo. Agora déixovos aqui as fotos do proceso de elaboración das bolsas e as portadas e, tamén, da visita do coello de Pascua.
E aquí están as orgullosas traballadoras e traballadores mostrando as súas produccións plásticas.
É o venres, por sorpresa, o coelliño de Pascua visitou as aulas de infantil para deixar agochados uns oviños de chocolate. A verdade, como chovía a cántaros, estábamos todos convencidos de que o coelliño este ano non viría ao cole (porque realmente non sei como non afogou no camiño) pero este "gardián da infancia" non se deixa amilanar pola choiva e mentres estaban os nenos/as xogando na aula de psico aproveitou para esconder os ovos polos recunchos da aula. É certo que mentres merendábamos, algúns nenos dixeron que escoitaran ruidiños nun armario e que seguramente andaba por alí, pero eu non estaba moi segura e ademais pensei que igual non tiña ganas da sair se escoitaba moitos berros. Pero finalmente era certo, o coelliño estaba ben agochado e dounos unha sorpresa fantántica.
¡BOA PASCUA!
Pero que chulas vos quedaron as bosas e portadas da 2ª avaliación!!! Noraboa.
ResponderEliminar