Onte, 21 de marzo, conmemorouse o Día Internacional dos Bosques. E había que recordalo hoxe xa que ultimamente estamos insistindo moito na importancia que teñen as árbores para o planeta e para nós por suposto.
Fixemos moitas máis cousas porque estamos xa a final de trimestre e estamos, como xa imaxinaredes, coas bolsas e as portadas dos traballos, pero iso aínda non o volo imos mostrar. Hai que manter un pouco o misterio a ver si conseguimos sorprendervos. Pero aparte deso tamén tivemos tempo de ler un pouquiño dun libro magnífico que de vez en cando consultamos na aula porque ten moita información. Moi recomendable, por si vos interesa.
E como estaba un día estupendo, neste comezo da primavera, decidimos que era unha boa idea tomar a merenda fóra. Organizamos dous turnos (como nos restaurantes) para respectar a limitación de aforo e disfrutamos moitísimo do soliño, da sombra das nosas árbores, das risas e das conversas relaxadas neste primeiro picnic da primavera. Hai que aproveitar os días agradables, nos que estamos contentos e con ganas de disfrutar no cole. A erdade é que tivemos un luns xenial.
