O curso pasado empezamos a coñecer as regletas e a entender que nos permiten compoñer e descompoñer os números, facer operacións matemáticas e ver, de xeito claro grazas ás lonxitudes e as cores, as relacións entre os números. De xeito manipulativo, os peques poden ir comprobando cantas unidades hay en cada número e como engadindo cada vez unha unidade se vai formando o seguinte número da serie numérica.
Os pementeiros/as entenderon rapidamente que cada regleta ten un valor e asociaron con facilidade cada cor con cada valor numérico. A partir de aí empezamos a facer sinxelas operacións matemáticas. Este curso seguimos profundizando na comprensión das regletas e dos conceptos lóxico-matemáticos que podemos traballar con elas. E, de paso, intentamos mellorar habilidades como a capacidade de escoitar, a concentración, a paciencia e a importancia de seguir unhas indicacións para chegar a un resultado.
