PINTAMOS A CLEA

   Clea está sempre acompañándonos na Pementeira. Así que como nos parece unha porquiña moi simpática, decimos pintala e así seguimos practicando co uso do pincel. Xa se nota que hai ganas de facer as cousas ben, os nenos e nenas esfórzanse e controlar o pincel, en non pintar por fóra e en que Clea quede ben bonita.

   Ademais de pintar, disfrutamos de contos moi divertidos como "¿Quieres ser mi amigo?" un libro de Eric Carle sobre un ratiño que buscaba amigos.

    Cando rematamos de escoitar as cancións e de ler o conto sempre facemos unha batidora para estirar os músculos despois de pasar tempo sentados.

    E, por suposto, sempre temos tempo de xogar porque o xogo é moi importante. O único quehai que perfeccionar é o momento de recoller que sempre costa traballo, pero bueno seguimos insistindo e seguro que a cousa mellorará.

EMPEZOU O OUTONO

     Ninguén o diría pero rematou o verán e xa estamos no outono. Eso sí, aínda que empezamos a ver moitas follas polo chan, a verdade é que seguimos tendo sol e unhas temperaturas bastante altas. 

  Como xa imos coñecendo as vocais, observamos que a palabra OUTONO empeza pola O, e ten outras dúas máis. E xogamos a poñer a boca ben redondiña para pronunciar esa vocal. Estamos escoitando unha canción de OUTONO que fala de chuvia, nubes, botas e abrigos pero, realmente, por aquí seguimos de manga curta e zapatillas de deporte. Queredes cantar a canción do outono na casa?

   Aproveitamos o bo tempo para sair fóra e recoller follas para poder observalas ben, mirar os tamaños e formas, as cores...

 

     Despois tratamos de clasificalas tendo en conta a forma, a cor ou o tamaño pero aínda non o logramos, así que noutro momento retomaremos a tarefa. O que sí fixemos foi buscar algunhas follas iguais (recollemos moitas follas de magnolio) e fixemos un círculo con elas. Porque estes día tamén falamos moito das formas xeométricas.

   Dá gusto poder facer actividades ao aire libre! Despois o inverno faise moi longo, así que está ben ter momentos para respirar aire fresco, recibir as raiolas de sol e xogar con elementos da natureza.