REGLETAS E MÁIS COUSIÑAS

    Hoxe estivemos facendo unha actividade moi interesante na Pementeira: traballamos a serie numérica con regletas.

    As regletas son moi interesantes, teñen diferentes cores e diferentes lonxitudes e estivemos observando canto mide cada regleta empregando unha unidade, que é a regleta máis pequeniña, a de cor branca. Cada neno/a tiña unha regleta e tiña que ir contando cantas unidades, cantas regletas brancas facían falta para lograr ter a mesma lonxitude que a regleta que eles/as tiñan. Así que había que ir colocando as regletas brancas ben xuntiñas e despois contar cantas facían falta para completar a lonxitude das outras regletas (a verde, a laranxa, a marrón, a negra, a rosa , a vermella, a amarela...)

   Os pementeiros/as estiveron concentrados facendo a tarefa e despois entre todos fomos observando cal é a regleta máis longa e cantas brancas contiña, despois progresivamente fomos chegando á regleta máis curta e finalmente colocamos a serie numérica, cada número do 1 ao 10 indica a cantidade de regletas brancas que foron necesarias.

    Despois de traballar tanto e de tomar a merenda, quedou tempo libre para xogar un pouco na aula de psico.

   Aproveito xa esta entrada para mostrarvos a sesión de ioga do venres, na que conseguimos algunhas asanas xa moi ben feitas. Sabemos que hai que seguir practicando e esforzándose porque cada un temos as nosas características e pode que unha asana nos saia moi ben e outra non tanto, algunha parece que nos resulta máis molesta e outra sáenos con facilidade pero o importante é seguir practicando porque o ioga axúdanos a mellorar moitas cousas: coordinación, equilibrio, alineación, exercita a disciplina, a paciencia, a constancia, a superación de retos e frustracións, a concentración e fai que nos sintamos sanos, activos e tamén relaxados.

    E tamén, o venres pasado, empezamos a poñer os gomets nos nosos carnets de devoradores de froita. A ver se o próximo venres poden xa poñer o segundo gomet.

 Mañán seguiremos contando máis cousas.