PREPARANDO O NADAL

         Estamos a poucos días de empezar as vacacións de Nadal e temos que ir decorando o cole para ter un ambiente acorde con estas festas que se achegan, e que tanto gustan aos nenos e nenas.

    Por iso facemos algúns elementos decorativos na aula e , tamén, vos pedimos ás familias a vosa colaboración para facer bolas de Nadal creativas e alegres. A verdade é que as profes quedamos encantadas coa participación de tanta xente e, sobre todo, coa imaxinación e ass dotes artísticas que mostrástedes porque chegaron bolas realmente bonitas. Parabéns a todos/as os que vos animástedes a colaborar nesta proposta. A aula de psico quedou superchula!

   Na aula tamén pintamos uns adornos de Nadal que colocamos diante da nosa porta.

   Por outra banda, quero agradecer a todas as familias as súas aportacións para "Operación Kilo" que se organiza coa finalidade de aportar alimentos básicos a familias que pasan por momentos complicados e poden ter problemas para saír adiante e ter un prtao de comida cada día na súa mesa. É importante que os nenos e nenas entendan que son afortunados e que teñen a sorte de ter suficiente comida para eles/as e para compartir cos máis desfavorecidos/as. Grazas!

   Aos nenos e nenas que trouxeron alimentos para colaborar nesta operación, agasallóuselles cun libro da biblioteca do centro.

   O libro viaxeiro "Rimas marinas. Pementeiros en remojo" sigue viajando a los domicilios. Aquí están los cuatro últimos afortunados/as en llevarlo a casa para disfrutarlo en familia.

                

    E para rematar, quería comentarvos que xa estamos facendo probas a ver quen soltándose a escribir e a ler, de xeito autónomo e estou feliz vendo que hai algúnhas alumnas e alumnos que o están facendo realmente ben. Síntense un pouco inseguros/as e pensan que non saben porque non son conscientes de que moitas das tarefas que facemos no cole teñen como finalidade última o acceso á lecto-escritura, pero eu non digo "imos aprender a ler e a escribir", ou "imos facer esta actividade que é para ensinarvos a ler", obviamente. Cando eu vou facendo certas tarefas de recoñecemento de fonemas e grafemas e de asociación de ambos, xa vou vendo quen vai percibindo esas conexións e quen vai identificando palabras e sílabas e pode ler palabras sinxelas. Pero sempre hai nenos/as que poden non demostrar o que van asimilando e poden pasar máis desapercibidos, por iso de vez en cando vou facendo certas cousas de maneira individual para ir descubrindo cousiñas que poden "escaparse". E estou moi contenta porque algunha nena que me dixo que non sabía escribir ningunha palabra, douse conta de que sí sabía e a cara de felicidade cando comproban que saben máis cousas das que pensan é impagable.

    Agora imos ir pouco a pouco animándonos a escribir e a ler máis e de xeito autónomo e, a verdade, é que para estar aínda no primeiro trimestre, podemos estar ben contentos.