SEGUIMOS TRABALLANDO POLA PAZ

        Na Pementeira seguimos falando sobre a PAZ e coñecendo a moitas persoas que traballaron pola paz, que dixeron frases cheas de contido que nos fan reflexionar sobre a PAZ, que recibiron premios ou adicaron a súa vida a mellorar a vida dos demáis... Algunhas delas xa as coñecíamos polo proxecto Ubuntu. Outras ímolas coñecendo estes días. O importante é comprobar que moita xente ten un profundo sentemento de  compromiso coa xustiza, a igualdade, a paz, a bondade, o ben común... e nós queremos contaxiarnos dese espíritu de colaboración e de loita pacífica. Eu estou lendo moitos contos que falan de todo isto a ver si, tamén na clase, imos logrando comportarnos ben cos compañeiros/as e as profes. 

      O xoves e o venres falamos sobre a Nai Teresa de Calcuta, que adicou a súa vida aos pobres, enfermos e indefensos da India e que recibiu o Premio Nobel da Paz en 1979, e Gandhi que loitou de maneira pacífica pola independencia da India e que xa coñecemos grazas ao proxecto e a presentación realizada por Julia.

  Tamén seguimos facendo ioga, aínda que non puxen as fotos das dúas últimas sesións. Así que aquí van. Como volveron das vacacións de Nadal con moitísima enerxía, antes de realizar as asanas de ioga, adicamos uns minutos a mover o esquelete co Hoky-Poky e o Baile das estatuas, así movémonos un pouco, botamos unas risas, liberamos tensións e despois xa nos concentramos no noso corpo, procuramos controlar o exceso de movemento e intentamos estirar todos os músculos.

    E agora, a ver se conseguimos, durante esta semana que está piques de empezar, estra todos un pouquiño máis tranquilos porque temos previsto facer unha actividade moi bonita para o Día da Paz e necesitamos calma, paciencia, concentración, ganas de colaborar, interese por traballar en equipo... ¡A ver si o conseguimos! Ey sei que podemos facelo e que o imos disfrutar moito. Así que, mañán empezamos a semana con ganas e con ilusión.