Estes días andamos con moito, moito axetreo. Temos cousas que rematar porque xa non quedan días de cole, agora estamos na recta final, estamos ensaiando cada día para o festival, revisando ben quen non rematou a bolsa ou a portada (porque houbo moitos nenos/as enfermos ultimamente e fomos facendo as cousiñas cando era posible), explicando detalles da actuación e do último día de cole... en fin que non paramos. E ademais chegou xa o último número do xornal Novas de Infantil e había que miralo con atención para estar ao día das últimas noticias do cole.
Coa chegada do mes de xuño, rematamos o mural do Día da Paz. Como é un proxecto con certa complicación, xa que é unha pintura grande, que está no exterior e que é complicado pintar nesa superficie de bloques rugosos (non é o mismo que pintar nunha parede recebada e lisa) leva moito tempo facelo e sempre considero un éxito lograr finalizalo. Xa levamos varios anos deixando a nosa pegada nas paredes do patio, os nenos e nenas de infantil sempre poñen o seu gran de area nesta obra colectiva na que pode participar todo o alumnado do centro. Con estes murais queremos comunicar a noso desexo de que no mundo se deteñan todos os conflictos armados, que cesen as guerras e que empecemos todos e todas a comprender que a paz é o único camiño que deberíamos seguir. Nesta ocasión a idea do mural é unha amalgama de imaxes de artistas contemporáneos que fan arte na rúa, graffitis ou arte dixital como o dúo Lediesis, Dido, Shamsia Hassani e Banksy.
Aquí vos deixo un vídeo no que se percibe todo o proceso de traballo e no que se ven todos os pementeiros/as armados con pinceis e empregando as cores para loitar pola paz.
Hoxe estivemos facendo de artesáns da xoiería elaborando colares e pulseiras como premio por tomar froita os venres. cada neno/a tivo que contar cantos gomets tiña no seu cartón da froita (cada venres que comían froita, poñían un gomet) e por cada gomet que tiñan podían elixir un abalorio para facer un colar ou unha pulseira. Así fixemos unha actividade de matemáticas (contar) e outra de motricidade fina (que sempre ven moi ben) e tamén de creatividade xa que cada un elixia os abalorios e os organizaba ao seu gusto. Foidivertido aínda que houbo que insistir un pouco na paciencia, xa que estes nenos/as queren todo inmediatamente, cóstalles respectar turnos e comprender que as cousas levan o seu tempo. Pero bueno, conseguímolo e todos/as tiveron o seu agasallo por ser devoradores de froita!
No hay comentarios:
Publicar un comentario