ORGANIZANDO O NOSO "AVECUNCHO"

    Estamos xa empezando a voar coas nosas plumas e organizando un "avecuncho" na nosa aula cos materiais que imos recibindo. Antes de iniciar unha exploración máis profunda do mundo das aves, fixemos na pizarra o "Panel das tres preguntas" para ir tanteando os coñecementos e intereses dos nenos e nenas da Pementeira sobre este tema. Teño que dicir que lles está costando un pouquiño expresarse, contar o que saben ou pensan , participar nestas tarefas de expresión oral... Están un pouco descentrados, cóstalles atender ás actividades, chegan con sono pola mañán ... Pero, pouco a pouco, intentamos arrancar, retomar as rutinas, centrar a atención e facer cousas diferentes, que xa estamos a piques de rematar setembro e temos moito que investigar. 

   Despois de expresar os coñecementos previos e de plantexar algunhas preguntas, xa houbo pementeiros/as que empezaron a investigar...

   Coas cousas que foron traendo empezamos a organizar o noso "avecuncho" que está xa repleto de libros e outras cousiñas máis. Tamén coloreamos uns paxariños que están voando pola aula.