MOITA ACTIVIDADE! IOGA, RÍOS, PLANTAS MEDICINAIS, ACUARELAS... ¡NON PARAMOS UN MINUTO!

 Nesta primeira semana despois da Pascua, retomamos as actividades do cole con moitas ganas, coa enerxía de sempre, e con novas ideas para investigar e aprender como a nós nos gusta. Retomamos os picnics, as sesións de ioga no exterior, a pintura con acuarelas, o traballo sobre os ríos e moitas cousas máis.

                                

                                

                                    

                                      

                                     

   Aprendemos que o Río Miño é o máis longo de Galicia e a continuación debuxámolo e pintámolo con acuarela. Observamos unha imaxe moi coñecida do río Miño para inspirarnos.

Dentro do Proxecto Ubuntu, estamos vendo que as plantas tamén fan cousas boas por nós. Igual que moitas personalidades Ubuntu fixeron cousas polos demais e trataron de facer deste mundo un lugar mellor e máis xusto, así tamén podemos dicir que hai plantas Ubuntu que nos axudan, por exemplo, a estar sans e sentirnos mellor.

AQUÍ ESTAMOS DE NOVO!

    Estamos de volta. Hoxe tivemos un día estupendo porque chegamos contentos/as ao cole, con ganas de vernos e de facer moitas cousas xuntos. Tivemos tempo de falar, de escoitar cancións, de ler contos, de traballar un pouquiño, de xogar e correr fóra, de visitar a horta e regar as plantas e máis cousas. Así dá gusto volver das vacacións!

No momento de regar tivemos certas dificultades porque nas regadeiras había uns inquilinos taponando os orificios de saída da auga, uns caracois, e tivemos que botarlle un pouco de paciencia porque a auga saía pouquiño a pouco. Non queríamos facerlles dano e deixámolos na súa vivenda provisional.

Despois do traballo agrícola, tocaba exercitar os nosos músculos e correr un pouco para queimar enerxía e volver á aula máis relaxados.

E entre xogo e xogo e outras cousas, tamén aproveitamos para ler un pouquiño e ir demostrando os avances que estamos a facer. 

E tamén tivemos outra noticia, David emocionado contounos que lle caeu un dente e mostrounos todas as probas.

¡QUEDA INAUGURADO O TERCEIRO TRIMESTRE DO CURSO 2020-2021!