O ANIVERSARIO DE MATEO

     Apenas quedan 4 días para rematar o curso e seguimos de celebracións na Pementeira. Hoxe foi o día de Mateo que levaba dúas semanas facendo a conta atrás, ¡non lle daba chegado o día!. Así que hoxe estaba especialmente feliz porque agora xa é todo un mozo de 6 anos.

    E hoxe tivemos a sorte de que poidemos facer a celebración completa fóra, ata apagar as candeas (xa o intentamos en varias ocasións pero o vento non nos deixaba prendelas así que era inviable).

    

 

    Despois de comer as galletas que trouxo Mateo, chegou o momento de realizar o "Círculo dos eloxios" que abrín eu, como é habitual e que continuaron todos os compañeiros e compañeiras.

    -Mateo, o que máis me gusta de ti é a túa espontaneidade e alegría, sempre che vexo feliz e sempre sorrís con ese gran sorriso que me encanta ver. Gústame ver como disfrutas aprendendo cousas novas, como me contas con tanto entusiasmo as anécdotas que che xurden nas asambleas, como te interesan os retos e como recordas moita información, encántame ver o ben que lees e ata atopas as erratas nas fichas porque estás atento e gústame que sempre me des os recados de casa e me avises si algo se me esquece. Felicítoche por disfrutar tanto e mostrarte tan amable e feliz.

   - Gústame como fas as posturas de ioga cando te esforzas e como lees e atendes a Teté.

   - Gústame o teu sorriso grande e que xogues comigo no patio.

   -Gústame que estés feliz no cole e como repasas con rotus.

   -Gústame que estés activo e fagas ben os traballos, e como corres no patio. Quero que xogues comigo e quérote moito.

   - Gústame como das saltos, eres bo compañeiro e gústame cando compartes.

   -Gústame xogar contigo e gústame cando fas ben as fichas e atopas os erros.

   - Gústame moito que xogues comigo e sexas o meu amigo e gústame cando fas os retos e contestas a moitas preguntas.