Pois sí, o Nadal está á volta da esquina. Pasa o tempo ben rápido! Esta semana que vai empezar é xa a última do primeiro trimestre e polos espazos de Infantil do Rosalía xa empezamos a ter un ambiente festivo. Estamos decorando os corredores e recibindo algunhas sorpresiñas que nos encantan. Por exemplo, apareceunos un elfiño na aula que nos deixou unhas chuches pero tamén outros agasallos moi especiais: ganas de aprender e risas. Encántanos chegar pola mañán e comprobar se temos carta co agasallo do día. O elfo sabe ben que necesitamos algunhas cousiñas que nos fan aínda máis felices que os xoguetes ou as chuches e por iso quere traelas ao cole por se nos esquecemos de que as temos dentro de nós.
Tamén recibimos unha carta do Elfo Tilín que sempre se esconde na Biblioteca e fomos buscalo. Lemos a pista que deixou e Maia atopouno dentro dun coxín de cor rosa. Ao principiocostou un pouco centrarse porque a impulsividade, a presa, o nerviosismo, fixeron que os pementeiros e pementeiras non se concentraran no que tiñan que facer, e corrían sen rumbo pola biblioteca. Para buscar algo tamén hai que ter calma e métodoe iso costa un pouquiño. Pero finalmente a pista levounos a atopar onde se encondía Tilín.
Para que o cole teña un ambiente de Nadal todos/as contribuímos na decoración.
.jpeg)
No hay comentarios:
Publicar un comentario