E por fin chegou o momento de volver á aula e reencontrarnos para seguir aprendendo xuntos. Así que, quero mostrarvos as últimas tarefas que recibín , que están xenial, e despois xa volvemos á normalidade do cole. Eso sí, esta semana un pouco especial porque estamos empezando xa a celebrar o Entroido.
Julia sorprendeume elaborando un teatriño con todos os personaxes feitos con material de refugallo, e ata inventou unha historia que me encantou e que remata con fermoso alegato pacifista, cunha frase de Gandhi. Tamén pintou o que podía ver desde a súa ventá. ¡Parabéns por esa creatividade!
Leo tamén estivo facendo moitas cousas, por exemplo elaborando pasta de papel e cartón para modelar figuras ben bonitas, como por exemplo unha estrela. E, por suposto, fixo unha rima superchula e moi actual, e a súa DECENA de superzings.¡Xenial esas actividades!
Pablo Olivera fixo o debuxo da ventá e a súa rima, que tamén nos di con moita seguridade e alegría. E como se debía de sentir moi poeta, quiso recitarnos o poema que ía nas fichas, "Navegando voy". ¡Estupendo!
Bruno realizou unha presentación sobre animais en perigo de extinción que me deixou coa boca aberta por esa seriedade e contención diante das cámaras, como si se dedicara a esto toda a vida e polo ben que explica as acausas de que certos animais estén nese risco de desaparecer. E con esa conexión de temas e conceptos, que a min me gusta facer sempre e vexo que Bruno ten xa perfectamente interiorizado, xa elaborou a súa DECENA con animais en perigo de extinción. ¡Parabéns! Eso sí, entendo que esté traballando tan ben na casa, porque ten unha compañía que é inmellorable. Así todos traballamos mellor, verdade?
Sara estivo moi traballadora e mandou un montón de cousas, unha rima estupenda recitada con moita soltura e alegría, ¡encantoume!, unhas decenas moi coloridas e variadas (teño que dicir que a miña favorita é a decena de froitas porque é todo un bodegón, unha foto moi pictórica que me gustou moito, moito) e debuxou a súa ventá. ¡Magnífico, Sara!
E quédame Pablo Canabal que foi o primeiro en mandar xa o seu traballo sobre a simetría, que me gustou moito, porque entendeu moi ben o concepto e porque me encanta ver aos nenos e nenas pintar relaxadamente, disfrutando coas cores e expresándose con tranquilidade, con espontaneidade... ¡Moi bo traballo Pablo!
Creo que non me queda nada no tinteiro. A verdade é que recibín moitos traballos dos nenos e nenas da Pementeira. Parabéns a todas as familias por esta implicación. É importante trater de manter certas rutinas cos nenos e que se manteñan ocupados de maneiras distintas. O xogo é fundamental par o seu desenvolvemento, e penso que tiveron tempo de xogar, pero tamén me gustou moito ver que moitas das propostas que vos fixen , as realizaron cun espíritu lúdico e cunha actitude moi relaxada e feliz que se transmitía nos vídeos e nas fotos e iso gustoume moito. Está claro que nun confinamnto non podemos poñernos cun exceso de correccións, ou insistindo en detalles concretos, porque a situación non é axeitada e os obxectivos fundamentais están logrados: os nenos/as fixeron cousas, estiveron participativos, aprenderon algunhas cousiñas novas, investigaron, crearon, leron e escribiron, cantaron e bailaron... Para min, a valoración é positiva.
Agora toca volver a compartir espazos, atención dos adultos, materiais, ter horarios máis estrictos... pero o máis importante é reencontranos cos compañeiros, aprender xuntos, iniciar novas propostas nas que poidamos colaborar todos e... disfrutar do Entroido. ¡Imos alá!
