O CREBANOCES DE TCHAIKOVSKY

     Levamos xa un tempiño coñecendo unha famosísima obra musical, "O Crebanoces" do compositor ruso Tchaikovsky, unha historia ambientada no Nadal chea de maxia e fantasía , con bonecos que cobran vida pola noite, loitas entre bos e malos, fadas, reinos marabillosos cheos de golosinas e finalmente o triunfo do amor, ao estilo dos tradicionais contos de fadas. O conto realmente xa estaba escrito e Tchaikovsky o que fixo foi transformalo ou adaptalo a un ballet estructurado en dous actos.

    Tchaikovsky naceu en Rusia. As cidades máis populosas e coñecidas de Rusia son Moscú e San Petersburgo. En Moscú podemos disfrutar das cores e a orixinalidade da Catedral de San Basilio que parece sacada dun conto de fadas.

Hai moitas adaptacións do Crebanoces en formato de conto infantil. Nós empregamos na aula este:

    Pero tamén escoitamos a música con frecuencia mentres realizamos outras tarefas, ou practicamos ritmos con algúns fragmentos. Por suposto todos/as coñecemos xa a Marcha ou a Danza da Fada de Azucre.

Fixemos varias actividades impresas coas que traballamos a lecto-escritura...

   Pero seguramente o máis chamativo e vistoso foi o noso traballo de equipo pintando un gran crebanoces para colocar no noso corredor de infantil e ir, así, en colaboración coa aula da Sementeira, decorando estes espazos comúns cos motivos musicais e ao mesmo tempo navideños. Foi unha tarefa na que empregamos bastante tempo e na que puxemos interese, paciencia e ilusión. Como eu lle dicía aos nenos e nenas esta semana: é importante vivir cada día con ilusión, concentrarnos no hoxe, no que estamos facendo e non pensar só no que vai vir (o Nadal por exemplo) e ter presa porque chegue, senón aprender a disfrutar cada día co que estamos a facer. Non só é importante o resultado final (que obviamente nos gusta ver) senón todo o proceso. Pois esa é a pretensión disfrutar co que facemos cada día e, despois, finalmente, poder sentirnos orgullosos co logrado. Mirade canto traballaron as pementeiras e pementeiros, e sobre todo o que máis me importa a min, teño que dicir que sempre queren colaborar todos/as e iso é xenial.

                        

   E despois de tanto traballo, a nosa obra final é espectacular. E o conxunto composto co outro crebanoces da Sementeira non pode lucir máis na entrada da aula de psico. A idea que tivo a profe Ana para decorar este espazo foi fantástica e entre todos logramos darlle un toque cheo de cor  a este espazo. ¿Vós que pensades?. Música e artes plásticas unidas dando alegría e espíritu de Nadal co cole.