Hoxe foi un día emocionante para os nenos e nenas de infantil porque recibimos unha visita moi especial: Papá Noel!!!! non estabamos moi seguros de si podería vir con toda esta situación, algúns nenos estaban preocupados por si tiña Covid, pero parece que por alá por Laponia non debe haber tantos contaxios, e finalmente Papá Noel chegou a Padrón para coñecer a todos os nenos e nenas que teñen a súa ilusión posta nas festas de Nadal e para recoller algunhas cartas.
E como o protagonista do día foi este home gordecho e vestido de vermello, pois era o momento ideal para facer un debuxo que o representase no seu esplendor.
E mañán será outro día emocionante, seguro!!!!!
No hay comentarios:
Publicar un comentario