PREPARANDO O SAMAÍN

     Estamos xa a piques de celebrar o magosto e o Samaín, e xa aproveito para comentarvos que o xoves día 30 os peques poderán vir disfrazados de cousas que den moito medo (bruxas, esqueletes, pantasmas, monstros,  cabazas, arañas, personaxes de pelis de medo como Miércoles, Maléfica, Frankenstein...). O luns xa mandaremos unha nota na libreta pero adiántovos que os nenos e nenas non terán que traer mochila eses día (nin merenda, nin auga, nin libreta, nin mandilón) e que a merenda nesta ocasión será aportada polo grupo de 4 anos. Será unha xornada festiva e moi terrorífica!

  Estes días estivemos contando moitos contos de monstros, pantasmas e bruxas, cantamos cancións, falamos das cousas que nos dan medo e empezamos a participar na decoración dos espazos de infantil.

     Os nenos e nenas dixéronme catorce cousas que lles dan medo (a última, a escuridade non saiu espontáneamente, senón que fun eu facendo preguntas ata que chegamos a ela). Pero estivo moi ben a particpación e as respostas neste "remuíño de ideas".

   Despois todos puxeron unha cara de bruxa mala,de monstro espantoso ou de pirata malvado e fixemos unhas casas terroríficas para meter moito medo aos outros nenos e nenas de infantil e a toda a xente que pase polos corredores. Gustoulles moito  facer isto,tiñan ganas de meter medo, e cando viron o aspecto que tiñan co seu sombreiro de bruxa botaron unhas risas.

     E algunhas das cancións que estamos cantando e disfrutando estes días son as seguintes:

Boa finde e a preparase para o magosto e o Samaín!