Mans que sementan, futuro que florece.
Coa chegada da primavera sempre apetece disfrutar das actividades ao aire libre. Como cada ano, os nenos e nenas de infantil visitan a horta escolar para traballar na terra coas súas mans e aprender moitas cousas dos cultivos.
Jose, que nos visita cada ano, sempre nos dá moitas explicacións sobre os cultivos, as plantas, os bichiños que viven na terra e con el aprendemos moitísimo. O primeiro que fixemos foi trasplantar a nosa plantiña de fabas para que, alí na horta, teña máis oportunidades de medrar e vivir no seu espazo natural. Despois mostrounos como se plantan as leitugas, e como había moitas, todos os nenos e nenas da aula tiveron a oportunidade de plantar a súa. Tamén nos ensinou a botar palla no chan para evitar que proliferen as malas herbas e conservar a humidade do terreo e deixounos regar as plantas coa mangueira. E o mellor de todo, o máis divertido, foi que non só acabaron molladas e ben regadas as plantas...
Xa María Montessori fixo fincapé na importancia de facer estas tarefas en contacto coa natureza, “hay que ensinar aos nenos a sentir e vivir en harmonía coa natureza; a terra é onde están as nosas raíces” e certamente, cando vemos aos pequenos disfrutando dese contacto directo coa terra, as plantas e a auga é fácil darse conta do que se están perdendo cando están rodeados de cemento e asfalto.
No hay comentarios:
Publicar un comentario