Xa non queda nada! O ambiente de Nadal enche os corredores e as aulas do cole. As cabeciñas de nenos e nenas xa non están onde as mestras quixéramos porque Papá Noel anda rondando, os elfos traviesos cada día fan unha trasnada, a ilusión polos agasallos dos Reis non deixa espazo libre para pensar noutras cousas, as panxoliñas contaxian alegría, os contos están repletos de renos co seu fociño vermello, recibimos visitas sorpresa que nos fan brincar e todo é nerviosismo, ganas de festa e emocións desbordantes. Así que non nos queda máis remedio que intentar rematar o que se poida e deixarse levar polo espíritu do Nadal.
Onte recibimos unha visita sorpresa. Mandáronnos ir ao ximnasio e alá fomos a ver que pasaba...
E as nosas bolsas están xa na pista de saída para levar mañán para casa!
Por certo, desde A Pementeira non queremos esquecernos de felicitar a Alba, da Aula A Sementeira (5 anos). Ela foi a gañadora do concurso de postais de Nadal e a súa obra está xa impresa e mañan todos osnenos e nenas de infantil a levarán para a súa casa.
PARABÉNS ALBA!
No hay comentarios:
Publicar un comentario