PRIMEIRA SEMANA DE COLE XENIAL!

     Rematamos a primeira semana completiña de cole e estou moi satisfeita de como están saíndo as cousas. A pesar de todos os inconvintes que nos pon o coronavirus, nós estamos facendo moitas cousas e disfrutando todo o que podemos. Eu estou coñecendo mellor a estes novos pementeiros e pementeiras, estamos facendo un repasiño de cousas que seguramente xa traballaron o curso pasado, estou reforzando cousas básicas como:

• ter unha postura axeitada na cadeira e na mesa para realizar as actividades impresas sobre todo.
• agarrar de maneira correcta os utensilios que empregamos para escribir, perfilar ou colorear.
• respectar a direccionalidade e orientación nas grafías de letras e números.
• afianzar hábitos de orden e organización tanto nas tarefas como na recollida dos materiais, nos xogos, nas merendas, nas rutinas de hixiene etc.

   Onte xa empregamos o material individual para realizar as actividades impresas. Finalmente en lugar e mercar caixiñas, reciclei unhas que xa tiñamos gardadas no cole e así facemos dúas cousas boas: non gastamos cartos que poden vir ben para outras cousas que poidamos necesitar e reciclamos (xa que tanto falamos de reciclar, temos que empezar a dar exemplo). Os nenos e nenas parecen encantados coas súas caixiñas, que levan o seu nome e están respectando o de empregar só o material que teñen dentro de cada unha. Agora teño que mercar novas ceras e rotus para renovar o que está xa gastado pero, polo demáis penso que nos vai vir ben ter así o material de uso individual.

   Na hora do recreo como xa sabedes non podemos mesturarnos cos nenos e nenas doutras aulas e iso, a verdade, é un pouco triste. Limitar eses contactos entre nenos e nenas que se coñecen, que son da familia, que son amigos, irmáns, primos ou veciños, neses momentos de expansión lúdica non é nada agradable para eles nin para nos.  Pero non temos máis remedio que adaptarnos. Como as zonas asignadas para o xogo ao aire libre son moi diferentes, establecemos un sistema de uso rotativo de maneira que todos os grupos disfruten por igual dos diferentes espazos. Hoxe tocounos ir á zona das árbores. A pena é que, finalmente, non podemos empregar os columpios pero é increíble que xa casi nin preguntan nin se achegan a eles por inercia. Os nenos e nenas teñen unha capacidade e adaptación sorprendente. Teñen tantas ganas de moverse (é lóxico porque pasan moito tempo nun espazo moi reducido para 20 nenos/as no que ademáis lles estou pedindo moita traquilidade, moito orden, moita organización, e todo iso non é fácil partindo da base de que a estas idades o movemento é necesario e controlar a impulsividade é complicado) que o feito de poder correr un pouco, camiñar, dar uns brincos e respirar aire fresco xa é un premio.

   E despois de xogar fóra, de relaxarnos un pouco e de ter a English class aínda tivemos tempo de ver un vídeo moi interesante sobre as abellas, que lle dan nome a un dos equipos/subgrupos de aula.

 

   

    Bueno, esta semana foi moi satisfactoria. Un comenzo de curso moito máis sinxelo e agradable do que esperábamos. Así que valoremos as cousas positivas e procuremos que a próxima semana teñamos moitas máis cousas boas que comentar e compartir. Disfrutade da fin de semana. Eu intentarei xa compartir algunhas ideas sobre o noso proxecto, agora que xa desvelaro o título.