TÍÑAMOS GANAS DE YOGA

     Pois sí, estes nenos e nenas tiñan ganas de yoga así que está decidido: os mércores teremos yoga. Aproveitamos que contamos coa profe de apoio este día podemos facer un desdobre e traballar as distintas asanas mantendo unha maior distancia social. Neste curso en principio non empregaremos as esterillas (e non nos imos descalzar) porque teríamos que desinfectalas unha a unha e non é viable por cuestións de tempo. Así que sí que estaría ben que trouxesen un calzado que lles fose cómodo. Menres non chove moito unhas zapatillas deportivas son perfectamente axeitadas, cando chova moito  se traen botas ou un calzado máis forte e ríxido, podemos ver a posibilidade de que se cambien aquí. Iremos vendo como nos podemos organizar. Seguro que teremos que facer axustes ao longo do curso pero estamos vivindo unha situación certamente atípica. O que non podemos é desanimarnos e non facer nada. Ao cole vimos  a disfrutar, a aprender xuntos, a socializar, a coñecer cousas novas, a perfeccionar outras moitas, e temos que seguir avanzando sin que o medo e as inseguridades nos paralicen, verdade?

  Mirade que nenos e nenas tan yoguis hai na Pementeira:

   E outra cousa que estamos facendo na Pementeira é aprender a relaxarns cando estamos moi alterados, cando chegamos do patio despois de correr e sudar, cando berramos moito e nos enfadamos cos compañeiros, ou cando estamos moi cansos e non somos capaces de concentrarnos... E a música sempre é un bo aliado á hora de tranquilizar corpo e mente. Mirade qué tranquilos estamos escoitando o Nocturno de Chopin.

 

    A música sempre axuda a sentir emocións profundas, danos paz ás veces, contáxianos ritmo e alegría desbordante outras, fainos chorar ou recordar momentos vividos, invita a moverse ou a descansar, incita á acción... non sei se haberá outra cousa que nos conecte aos seres humanos dun xeito tan universal como a música. Por todo iso, ¡acompañade os vosos días con música de todo tipo!