O CUMPLE DE VALENTINA

  Despois de conmemorar o Día da Muller, tocaba celebrar o aniversario dunha pequena muller pementeira que xa ten 6 anos: Valentina. Nesta ocasión disfrutamos a primeira hora dun conto moi, moi interesante sobre o que estivemos falando e reflexionando moito porque conta unha historia moito máis real do que os pementeiros/as poden imaxinar. Valentina, e a súa familia, decidiron aportar este libro, EL MURO, á aula para facer que este día fora un pouco máis especial. Aos peques sempre lles fai ilusión traer cousas da casa para mostranos parte da súa vida, ilusións e intereses. Como este curso é tan complexo, falamos previamente para recoller o libro con antelación, telo en cuarentena varios días e así evitar calqueira tipo de problema que poidera xurdir do feito de traer algo dun domicilio (como xa fixemos en casos anteriores, eu pásolle un pano con desinfectante, queda uns días no armario e listo). Eu agradecinlle moito a elección deste conto porque é unha historia que ten moito que ver co Proxecto Ubuntu e nos permite traballar sobre os valores que van implícitos no noso proxecto de traballo: o respecto ás diferencias, a importancia de cada persoa dentro dunha comunidade, a necesidade do traballo en equipo, o recoñecemento das habilidades de cada un... Animádevos a preguntarlle aos vosos fillos/as sobre o conto, a ver se recordan a historia narrada e as reflexións que fixemos xuntos na asamblea. Fixádevos que bonita frase aparece debaixo do título: Os muros sepárannos pero o futuro constrúese coa axuda de todos", e así é, ¡que importante é darse conta de que cando todos nos unimos, traballamos xuntos e nos respectamos, acadamos grandes obxectivos!

   Despois, como é habitual, Valentina apagou a candea co número 6, escoitou a felicitación dos compañeiros/as, agasallou aos pementeiros/as cunha caixa de galletas, e recibiu os eloxios no círculo que fixemos no patio aproveitando que estaba un día soleadiño.

 

     Como é habitual, empecei eu mesma coa ronda de eloxios e díxenlle a Valentina:

•   Gústame moito que participes nos retos, que che guste investigar e que non teñas medo a contestar ás preguntas que eu plantexo na aula. Gústame que respectes as normas da aula porque iso nos axuda a todos a ter un ambiente máis agradable na aula e a aprender máis. E gústame ver a túa alegría e satisfacción cando che felicito por un traballo ben feito.

  Despois os compañeiros/as dixéronlle cousas como:

•    Gústame como te comportas.
•    Gústame como coloreas.
•    Gústame como fas ioga.
•    Gústame como corres.
•    Gústame como saltas.
•    Gústame ser o teu amigo.