O CUMPLE DE SARA

   Hoxe, de novo, celebramos un aniversario na Pementeira: o de outra pequena muller chamada Sara que xa entrou neste clube dos 6 anos. Onte tivemos un día un tanto difícil na aula e nin un cumpleanos lles viña ben, pero hoxe empezamos con moito mellor pé porque creo que se deron conta de que onte, a pesar de que decidiron eles o que querían facer, non o pasaron nada ben. Así que hoxe voltamos ás nosas rutinas con cancións, un conto que lles gustou moito, algún traballo de mesa e a celebración deste aniversario que eu, a verdade, quería celebrar con todo o grupo porque sei que todos teñen ganas de ser os protagonistas do día.

    Así que Sara, ben contenta, colocou a súa coroa de raíña. soplou a candea con total precisión(de feito repetimos a xogada porque foi tan rápido que ata dubidaba si me saira a foto), escoitou a canción que lle adicaron os compañeiros/as e atendeu aos elexios que todos lle dixemos no círculo (que hoxe fixemos dentro da aula porque chovía).

 

No círculo dos eloxios, como é habitual eu funa primeira en dicirlle a Sara o que me gusta dela:

• Gústame cando decides prestar atención a unha tarefa e ves que a podes facer perfectamente, entón cando che felicito ou che poño o selo, móstrasme unha cara alegre que me transmite a túa satisfacción e iso é estupendo, verte feliz polo traballo ben feito. E tamén me gusta cando estás xogando no equipo sin discutir ou enfadarte cos compañeiros/as.

A continuación, o resto dos pementeiros/as dixéronlle a Sara cousas bonitas como:

• Gústame como traballas.
• Gústame como xogas.
• Gústame ver como xogas coas túas amigas.
• Gústame como pintas.
• Cando te comportas ben, póñome alegre.
• Gústame como saltas.
• Gústame xogar contigo.

  A verdade é que hoxe foi un día moito mellor que onte e celebrar cumples sempre é bonito porque eu sei que estes nenos/as teñen xa moitas ganas de ter 6 anos. Así que espero que poidamos seguir celebrando xuntos moitos cumples e que tamén todos eles teñan ganas de seguir compartindo eses momentos cos amigos/as do cole.

  Ademais do cumple, hoxe fixemos moitas máis cousas, pero este momento é o de Sara e mañán xa vos contarei máis actividades que fixemos. Teño moita confianza en que poidamos rematar a semana con alegría e disfrutando xuntos no cole.