5ª SINFONÍA DE BEETHOVEN

     O venres pasado foi un día espectacular. Xa compartín o traballo da noticia que elaboramos entre todos, os retos investigados, pero tamén tivemos tempo de facer outras cousas. Empezamos a traballar algunhas cousiñas sobre os ríos de Galicia e para iniciar o tema lemos un conto que lles gustou moito titulado "Lupa, a troita que quería vivir no mar" (xa vos contarei dentro de pouco máis cousas sobre isto). E outra das cousas que fixemos, e que a min me entusiasma, é que tivemos tempo de disfrutar da música. Na Pementeira sempre hai música e unha das nosas composicións de música clásica favoritas é sin dúbida a 5ª Sinfonía de Beethoven, sobre todo se a toca David Garret co seu violín e acompañado dunha guitarra eléctrica que lle da un toque moi heavy.

   E agora se queredes ver en acción aos pementeiros/as, dádelle ao play no seguinte vídeo e comprobaredes canto se aburren con Beethoven!

     E aproveito esta entrada para compartir unhas fotos que nos trouxo Julia de Oporto, da Librería Lello que se conta que foi unha inspiración para J.K. Rowling cando escribiu as historias de Harry Potter. Rowling vivu en Oporto durante un tempo e seguramente a beleza desta librería a deixou tan impresionada que quiso plasmala na súa obra. Julia estaba feliz de mostrarlle aos compañeiros/as as súas fotos dentro da librería e contounos que tamén mercou un libro alí.

   ¡Encántame que me conten as súas viaxes estes pementeiros/as! Sempre hai cousas fermosas e interesantes que descubrir polo mundo.