AGASALLOS DOS REIS MAGOS E DOUS CUMPLES

   Hoxe iniciamos o segundo trimestre do curso escolar e tivemos un día ben completiño. para empezar xa levamos unha sorpresa porque cando entramos na aula atopamos uns paquetes encima dunha silla e tamén había unha carta misteriosa. Os pementeiros e pementeiras enseguida sacaron a conclusión de que os paquetes eran uns agasallos dos Reis Magos e ese papel cun lazo dourado seguramente era unha carta das súas maxestades de Oriente. Así que decimos ler a misiva e resulta que os Reis Magos din que están moi contentos con todo o que traballamos no primeiro trimestre e decidiron deixarnos unhas cousiñas para que disfrutemos todos/as xuntos/as como un fantástico equipo.

                           

     Despois de ler a carta, xa non podíamos esperar máis para abrir os agasallos. Así que fixemos un sorteo (porque todos querían abrilos claro) e tocoulles a Eric e Marco. 

                                        

              

                                        

    E resulta que os Reis Magos nos trouxeron dous libros moi chulos e un xogo co que imos poñer a proba a nosa motricidade fina. E, obviamente, abrimos o xogo para ver como era e lemos os dous contos xa!

  E aproveitando os contos hoxe aprendemos que hai un río importantísimo en América do Sur, o máis caudaloso do mundo, que se chama Amazonas e  unha zona inmensa de selva e vexetación, a Amazonía, onde hai moita variedade animal e vexetal. Estivemos vendo algúns animais que viven alí.¡Outro fantástico lugar para viaxar, sen dúbida!

  Outra cousa importante do día é que celebramos nada máis e nada menos que dous aniversarios: o de Gael e o de Irea que xa teñen 4 anos!

   E despois de apagar as candeas e cantar, era o momento de repartir as galletas que trouxeron Gael e Irea para compartir cos compañeiros e compañeiras.

   Como vedes ganas de comer galletas nunca faltan, pero despois coa barriga chea non había moitas ganas de estirar músculos e facer as asanas de ioga. ¿Ou será que con tanta festa de Nadal estamos un pouquiñooxidados/as? pois teremos que seguir movéndonos para que o noso corpo se faga forte.

¡BENVIDOS TODOS AO SEGUNDO TRIMESTRE DO CURSO!