PREPARÁNDONOS PARA UN ENTROIDO MOI VIAXEIRO

   Xa queda pouco para o Entroido e estamos pensando a ver de qué nos imos disfrazar. ¿A que sí? Eu ando a voltas con moitas ideas pero aínda non teño nada claro. Como segro que xa víchedes na nota que ía no caderno de comunicacións, o tema central do noso entroido de infantil está relacionado co Proxecto Egeria. ë un tema moi amplo e aberto co cal cada un pode botar man da súa imaxinación e creatividade. O Entroido é unha festa e trátase de disfrutar así que nada é obligatorio. Eu vouvos propoñer ideas porque hai xente que me pregunta pero non quere dicir que sexan as únicas opcións. E todas elas poden servir de punto de partida para outros disfraces.

   Así pois algunhas das posibilidades que vos podemos propoñer son:

 - viaxeiros/as coñecidos/as ou simplemente a idea xeral da persoa que vai de viaxe polo mundo, un trotamundos, un peregrino/a...

- exploradores/as

- medios de transporte: tren, barco, avión, globo, ou o Titanic, o Orient Express, o Nautilus...

- monumentos de diferentes países: a Torre Eiffel, a Estatua da Liberdade...

- profesións relacionadas coas viaxes: pilotos, capitanas de barco, aviadores/as, maquinistas, guías turísticos, astronautas...

- personaxes históricos que percorreron o mundo e ata personaxes literarios que protagonizan libros de viaxes: Egeria, Valentina Tereshkova, Nellie Bly, Amelia Earhart, Cristóbal Colón, Neil Amstrong, Marco Polo, Cousteau, Phileas Fogg (da Volta ao Mundo en 80 días),  o Capitán Nemo (de 20.000 leguas de viaxe submarino), Russell (o neno explorador da película Up), Tintín...

   Como o tema nos dá bastante flexibilidade, aínda podemos abrilo máis e podemos incluír no listado a vikingos e piratas que tamén viaxaban bastante, ou mesmo os traxes tradicionais de diferentes países, etnias etc.

   Os accesorios tamén poden axudar a identificar a un determinado personaxe ou a asociar un disfraz cun feito histórico concreto, pero pensade que se imos desfilar por Padrón tampouco vai ser moi boa idea que leven moitas cousas seguramente, así que podemos pensar en imaxes, letras, iconos que poidan ir pegados ou cosidos nos disfraces. En fin, a ver que ideas vos van xurdindo. Seguro que os nenos e nenas de infantil van ser os mellores!!!!