Rematamos coas mandas do Meco e estamos xa preparados e preparadas para o gran día do Entroido Rosaliano. Esta semana pasounos voando entre peiteados divertidos, zapatos diferentes e mandiles orixinais. Aínda que ás veces é un pouco difícil concentrase nas tarefas de cole cando estamos xa mergullados no espíritu do Entroido, intentamos tamén facer algunhas cousiñas para non deixar de reforzar certos hábitos e aprendizaxes, pero desde logo esta semana foi bastante máis festiva do habitual.
O martes recibimos unha visita sorpresa, Unha parella moi divertida, o señor Segredo e a señora Segredo, viñeron ao cole para contarnos cousiñas de Rosalía de Castro e xuntos confeccionamos unha Rosalía grande con fieltro na que metemos os nosos segredos e, tamén, nos agasallaron cunhas minirosalías a cada un de nós.
E mañán festa rachada e desfile entroideiro. Seguro que o pasamos moi ben lucindo disfraces moi viaxeiros! A descansar e ata mañán!
No hay comentarios:
Publicar un comentario