Hoxe asistimos a un contacontos, organizado polo CIM Terras de Iria, no Auditorio de Padrón. Despois de realizar un corto traxecto en bus, que sempre é algo estupendo, ocupamos os nosos postos nas butacas vermellas e disfrutamos de tres historias divertidas e que, ademais, nos fixeron pensar sobre o importante que é respectar as diferencias, valorar as características que nos fan únicos, e tratar de comprender as situacións que poden estar vivindo outras persoas nas que nós podemos axudar e intervir partindo da comprensión e o respecto. Así coñecemos a un neno que quería bailar e levar camisetas rosas ou unha nena que non quería ser unha princesa boba e prefería lograr as cousas por si mesma en lugar de esperar a que un príncipe a salvara.
