Estamos moi, moi ocupados/as na Pementeira tratando de rematar tarefas,decorando bolsas, facendo portadas, ensaiando para o festival, xogando e tratando de manter, na medida do posible, a calma e a concentración ante este calor e as emocións que xera o final deste curso 2022-23.
Para poñer un pouco bonito o espazo onde imos celebrar o festival o vindeiro mércores 21 de xuño, fixemos unhas cometas con cartulina como tamén fixeron os demais grupos de alumnos/as desde infantil a primaria.
Pero ademais das artes plásticas, seguimos traballando moitas outras cuestións como por exemplo a lóxica-matemática. Neste trimestre, como xa sabedes por entradas anteriores do blog, estivemos familiarizándonos co emprego do ÁBACO.
Entre tarefa e tarefa, sempre respetamos os tempos de relax e xogo nos recunchos.
E xa temos case listas as bolsas para levar os traballos do trimestre, así que aquí quedan bastantes fotografías do proceso. O resultado final xa o veredes, tampouco temos que desvelar todos os segredos.
Como vedes, a pesar do calor que fai, nós sempre temos cousas que facer na Pementeira.
No hay comentarios:
Publicar un comentario