O venres estivemos facendo un pequeno experimento na Pementeira. Fai uns días lemos un conto moi interesante sobre un castor que estaba moi preocupado porque o seu río estaba moi sucio e sobrecargado de residuos tóxicos. Así que tomou a determinación de facer todo o que estivera na súa man para limpar o seu fogar. Para logralo contou coa axuda doutros animais, que pensaban que non poderían facer nada pero como lles dixo o castor: sempre podemos facer algo e se traballamos en equipo, lograremos mellores resultados.
Así que, igual que o castor, nós quixemos fabricar unha depuradora caseira para filtrar os residuos da auga e lograr que volva estar limpa. Para facela empregamos unha peneira ou cribo, con algodón e pedriñas pequenas. Despois "contaminamos" auga con terra, plásticos e outras cousas que había polo areeiro e, despois filtramos a auga na nosa depuradora e comprobamos como os residuos máis grandes xa quedaban retidos polas pedras, e os residuos de menor tamaño quedaba bloqueados polo algodón e a fina rede da peneira.
Pero, obviamente temos fotos de todo o proceso e, tamén, fixemos unha presentación multimedia con importantes mensaxes. Esperamos que vexades o vídeo e que o disfrutedes, valorando a importancia do que queremos comunicar.
E, despois de conseguir limpar a auga, decdimos utilizala para regar os nosos xeranios.
No hay comentarios:
Publicar un comentario