O PROXECTO AVANZA VENTO EN POPA

    Na Pementeira seguimos avanzando co noso Proxecto Nautilus. Tomando como punto de partida o tema do mar, que é o protagonista da obra "20000 leguas de viaxe submariño" de Julio Verne, estamos traballando lecto-escritura, lóxica-matemática, grafo-motricidade e moitas cousas máis. As pementeiras e pementeiros están mergullados nas augas salgadas dos mares e océanos do mundo e teñen moito interese en aprender cousas dos corais, as anémonas, os peixes-pasallo, os dragonciños, as baleas, os tiburóns ou os cangrexos-ermitaños. Pero non só hai animais e plantas interesantes no mar, tamén hai tesouros piratas, cidades mergulladas ou pecios... ¿sabedes o que é un pecio? Pois se non o sabedes, preguntádelle aos peques a ver se volosaben explicar.

    Esta claro que traballamos moito e por iso tamén aprendemos moito no cole, novo vocabulario, novas destrezas...Mirade como traballan estes nenos e nenas.

  Seguimos recibindo cousas para o noso recuncho: puzles, libros, cunchas...

   E seguimos disfrutando moitísmo cos preciosos libros que temos no recubcho, con imaxes fermosas de diferentes animais que nos espertan a curiosidade e as ganas de investigar.

   E aquí están os últimos pementeiros que levaron a Bonnie a casa. Polo que me contan, creo que Bonnie está disfrutando coas visitas, está durmindo moi ben, non ronca nin fai pis na cama e polo que ela di, as pementeiras e pementeiros están sendo moi amables e cariñosos con ela. ¡Qué ben!

 E aínda quedan máis cousas para compartir con vós. Pero mañán será outro día.