E seguimos celebrando aniversarios, estamos que non paramos. Onte tocoulle o turno a Mateo Bello que agora xa ten 6 anos. Mateo estaba moi contento de que xa chegara o día do seu cumple e empregou toda a súa enerxía en apagar as seis candeas de maneira moi eficaz cun único soplido. Despois escoitou con emoción a canción que lle adicaron os seus compañeiros e compañeiras e, finalmente, fixo o tradicional reparto de galletas que sempre é ben recibido na Pementeira. Foi un día estupendo no que empregamos moi ben o tempo e poidemos facer moitas cousas á vez que tamén nos divertimos e aprendemos xuntos/as.
E hoxe tamén tivemos un día estupendo no que fixemos moitas actividades diferentes. Así que aproveito para compartir as imaxes da nosa sesión de ioga dos venres na que tivemos tempo ata de bailar un pouquiño. Practicamos a posición do peixe (Matsyasana) en dúas variantes, unha delas un pouquiño máis complexa por iso tivemos moito máis coidado sobre todo para non mancarnos no pescozo. Eu fun axudando a cada nena/o a colocarse ben e manter unha alineación para non forzar o pescozo e, como xa lles expliquei a elas/es, non se pode mirar aos lados mentres estamos na posición, mantémola pouquiño tempo e imos desfacendo a nosa postura despaciño sen lastimarnos. Saiu moi ben en xeral.
No hay comentarios:
Publicar un comentario