O venres 28 de febreiro, para pechar o mes máis curto do ano (pero non por iso menos interesante) celebramos o Entroido no cole. A mañán regalounos sol e unha temperatura bastante agradable para poder desfilar cos nosos disfraces tanto no propio centro como nas rúas de Padrón, onde un numerosos público celebrou poder ver aos peques cheos de plumas. Porque, evidentemente, este foi un Entroido cheo de plumas, de múltiples formas e cores. Na Pementeira había todo tipo de aves: bufos, curuxas, loros, pavos reais, pingüíns, pitiños, flamencos así como criaturas mitolóxicas como o Grifo ou a Ave Fénix e personaxes mozartianos como Papageno e Papagena.
O Entroido ten que ser divertido, un pouco tolo, ten que desprender liberdade, cores, música e risas. É unha festa na que xogamos a ser algo diferente ao que somos cada día, na que soñamos con vidas imaxinarias e podemos rirnos de nós mesmos e convertirnos en calqueira cousa que nos faga disfrutar. E, posto que o noso proxecto Plumas nos achega a seres reais ou imaxinarios espectacularmente fermosos, estaba claro que este Entroido 2025 iba a ser especialmente vistoso.
Moitos/as xa contempláchedes o desfile pero, aínda así, será bonito ver unha recopilación de fotos dese día, xa que os pementeiros/as estaban realmente guapos. Un conxunto de pementeiraves variado, elegante e cheo de cor.
No hay comentarios:
Publicar un comentario