Como se nota que estas pementeiras e pementeiros ademais de medrar tamén van poñendo interés nas cousiñas do cole. Por exemplo, nas sesións de ioga vexo que as asanas saen cada día mellor, e hai ganas de avanzar, de esforzarse, hai máis concentración e pouco a pouco percibo máis satisfacción cando os/as felicito cando logran unha boa posición. ¡É estupendo practicar ioga! E o feito de poder facer un desdobre é un factor que temén axuda a que as sesións sexan máis productivas e agradables.
A perseverancia fai que a nosa práctica mellore e que, tamén, disfrutemos máis porque ao conseguir superar retos e acadar unhas asanas máis correctas, o noso grado de satisfacción e posterior motivación tamén aumentan. Todo isto fai que o avance sexa máis grande, e a medida que conseguimos unha mellor alineación, máis flexibilidade, máis equilibrio, máis forza e máis control corporal xeral, a noso benestar a nivel físico e mental é maior. Así que, a seguir practicando porque isto vai moi ben!
No hay comentarios:
Publicar un comentario