Xa chegaron moitas cousiñas para o recuncho do Proxecto Nautilus e, seguramente, aínda chegarán algunhas máis. Os pementeiros/as chegan emocionados coas súas cousas: moitas cunchas, caracolas, libros, xogos e manualidades relacionadas co mar e a vida animal e vexetal que se desenvolve nel. Mirade cantas cousas! Baixo a atenta mirada de Neptuno, o deus do mar, imos colocando no recuncho todos os obxectos que van chegando.
Con todas as cousas que imos recopilando, imos aprendendo novo vocabulario e ampliamos os coñecementos sobre o mar. Así, por exemplo aprendemos que esas caracolas tan bonitas, coas que podemos escoitar o mar, se denominan "Trompeta de Tritón".
Este caracol de mar é un molusco gasterópodo que recibe ese nome de "Trompeta de Tritón" porque na mitoloxía grega, Tritón, que era fillo do deus Poseidón (Neptuno para os romanos) normalmente se representaba soplando unha destas fermosas caracolas. Un nome moi mitolóxico que lles encanta aos nenos/as.
E con ese nome tan poético e con tantas reminiscencias histórico/artísticas había que facer unha actividade para traballar un pouco a lecto-escritura.
E hoxe estivemos plasmando o "Nautilus" en papel, cada neno/a debuxou á súa maneira o submariño do Capitán Nemo que tanto nos está gustando. Saíron uns debuxos estupendos e encántame ver que, pouco a pouco, os pementeiros/as se van soltando e se animan a facer debuxos personais, plasmando a súas ideas e visións do mundo.
E aínda que Julio Verne parece que se inspirou no Peixe Vela para diseñar o seu Nautilus, o certo é que existe un animal mariño que se chama Nautilus.
 |
| peixe vela |
 |
| Nautilus |
Chegan noticias, chegan. Estamos súper entusiasmados con este proxecto.
ResponderEliminarSuper atentos ás entradas do blogue, non vaia a ser que nos pase como con esta entrada que avisou Carla que non viramos o vídeo de Nautilus. Toda a razón🥴
Agora moi atentos á seguinte entrada... Todos a bordo 😂🤣😂🤣
Qué ben que volo dixera, hoxe pregunteilles si viran como nadaba o nautilus, así que xenial que se acordara de contárvolo. A ver se vou conseguindo que me escoiten, que recorden cousiñas, que den información nas casas, que se impliquen e que teñan ganas de aprender. Gústame moito, moito que vaian contando cousiñas e que teñan ganas de compartir coas familias o que van aprendendo. ¡Fantástico!
Eliminar