Vaise achegando o Nadal, así que decidimos empezar a decorar un pouquiño, para ir abrindo boca. O tempo pasa voando e hai que ir creando ambiente que, en breve, chegarán Papa Noel e os Reis Magos.
O venres tivemos a nosa sesión semanal de ioga. Practicamos dúas posicións que son bastante difíciles, así que xa sabemos que o temos que intentar e despois practicar noutras ocasións para que nos saian mellor cada vez.
Por certo, María trouxo un libro de yoga que ten moi boa pinta. Mirarémolo con calma para disfrutalo a tope. Grazas María!
E, para finalizar, aquí deixo algunhas imaxes dos pementeiros e pementeiras xogando. Sempre temos tempo de xogar, o que pasa é que, ás veces, o que costa é recoller. É lóxico, verdade?, temos moitos xoguetes, é moi divertido xogar con eles pero recoller é algo menos apetecible e hai que insistir moito. Sempre poño varias condicións antes de empezar a xogar:
- Coidamos os xoguetes, tratámolos con cariño. Xogar non é golpear os xoguetes para rompelos.
- Non discutimos cos compañeiros/as. Xogamos para disfrutar non para pelexar. Os xoguetes son de todos/as. Temos que aprender a xogar xuntos/as e compartir as cousas.
- Non berramos, podemos falar sen botar berros, somos moitos e se berramos sen control o ambiente da clase vólvese desagradable e estresante.
- Cando a profe avise de que hai que recoller, temos que recoller.
Nestas cousiñas estamos traballando, insistindo cada día, non o conseguimos completamente aínda pero, pouco a pouco iremos dando pasos.
No hay comentarios:
Publicar un comentario