¡A MOVERSE!

   Hoxe nova proposta de exercicio, movemento, estiramento e resistencia!!!!!. Imos traballar un pouco de todo. No vídeo que hoxe comparto con todos vos veredes que trato de estirar ben a miña espalda, os brazos e as pernas. Tamén traballo un pouco o equilibrio, a resistencia de pernas e brazos e exercito os abdominais.

   Do que se trata é de intentar facer estes exercicios como poda cada un. A min hai cousas que non me saen nada, nada ben e seguro que vos daredes conta. ¿Qué teño que facer? pois seguir practicando. Así que diso se trata. Entón, ¿practicamos xuntos?

   

      Mirade o vídeo, intentade repetir cada exercicio, ide contando en cada posición ata 5 por exemplo, e mañán podedes repetilos contando ata 10 (aumentando pouco a pouco o tempo de realización de cada rutina). Por certo, mamás e papás podedes practicar cos peques. Os máis pequenos/as tamén o poden intentar, non pasa nada se non aguantan ben o equilibrio ao principio ou non estiran completamente. Trátase de ir probando e de ir mellorando coa práctica.

    Nalgúns exercicios emprego unha pelota e unha cadeira. Coas cousas que temos na casa podemos facer variacións nalgúns exercicios.

   Aproveito xa esta entrada para mostrarvos os traballos que fixeron Violeta e Cristina sobre o submarino. Da gusto ver o concentradas que están traballando e o satisfeitas e felices que mostran a súa tarefa.

     Xa sabedes que me encanta recibir imaxes desde as vosas casas; levamos xa case tres meses sen vernos no cole e para min é unha alegría cada vez que recibo unha foto con algún traballiño dos nenos e nenas de infantil. ¡Animádevos a compartir! (profetetedeinfantil@gmail.com)