CURIOSIDADE e retos

    Curiosidade é unha das miñas palabras favoritas. Curiosidade é un signo de intelixencia, é un motor de vida, é un impulso de evolución. Sin curiosidade non somos nada. Sempre digo que o que máis me preocupa nun neno é que non teña curiosidade. Si non hai curiosidade, a aprendizaxe linítase de xeito considerable porque sin ganas de descubrir cousas descoñecidas, dificilmente faremos o esforzo de investigar e comprender o que atopemos. Por iso, constantemente intento xerar nos nenos/as curiosidade, por iso plantexo retos, por iso fago preguntas e por iso moitas veces deixo caer determinadas cuestións a ver que vai recollendo cada alumno/a e que cousas espertan a súa curiosidade. Os retos serven funfamentalmente para iso, para xerar curiosidade, para promover investigacións, para que os nenos/as se impliquen nas aprendizaxes, aprendan a investigar e descubran ese sentemento de atopar respostas ou mesmo outras preguntas que tamén van querer responder.

    A semana pasada, no Día do Patrimonio Mundial de África falamos do Delta do Okavango e aprendemos o que é un delta nun río. Pero tamén lles propuxen un reto:

   Na gran chaira no que se produce o  Delta do Okavango hai moitos animais salvaxes, entre eles  uns leóns un pouco peculiares porque fan algo que non fan habitualmente os leóns. Así que, ¿que fan eses leóns do Delta do Okavango?

   O luns chegaron Pablo Canabal, David e Erik Vázquez coas súas respostas. ¡Parabéns para os tres investigadores!

   Pablo falounos do coñecido como león masai que ten a peculiaridade de que a súa melena é moi, variada en forma e cantidade e, concretamente, un tipo de leóns desa zona de Kenia, osleóns de Tsavo, teñen a melena tan curta que a primeira vista paraece que non a teñen. 

   Grazas a Pablo coñecemos a este tipo de leóns, a Panthera leo massaica, pero non responde á pregunta do reto.

    David e Erik sí que nos deron a resposta axeitada: os leóns do Okavango  saben nadar. Precisamente o feito de que esa extensión se vexa inundada pola auga do río na época das chuvias, fai que os leóns teñan que buscar novas estratexias de caza e por iso, se é necesario, nadan para percorrer o territorio ou para obter comida. ¡Parabéns a Erik e David!

    Desde que falamos de Copérnico, de vez en cando xurden temas na aula relacionados co Sistema Solar, cos planetas, estrelas, constelacións e ata os buratos negros. O fin de semana pasado atopei na Feira do Libro en Santiago un libro que tiña ganas de ter, así que onte estivemos disfrutando coa súa lectura e aprendendo algunhas cousiñas sobre un robot chamado CURIOSITY (nome elexido por una rapaza de 12 anos de Kansas) que foi enviado ao planeta Marte para facer investigacións, sacar fotos, recoller rocas marcianas e obter información sobre ese misterioso planeta vermello.

    Aproveitando ademais que o martes é o día de Marte, ¿que mellor momento para ler esta fantástica historia marciana?

    Despois debuxamos a Curiosity e ata tivemos a sorte de imaxinar que tamén nós estabamos nun remoto planeta e un astromóbil chegaba a investigar aos habitantes dese lugar ignoto.

    Falando de Marte, aproveitei para plantexar un novo reto:

    - ¿Por qué o planeta Marte se chama así?

    E hoxe chegaron ao cole moi emocionados oito pementeiros/as coas súas respostas: Martina, Manuel, Seira, Pablo Canabal, Leo, Aroa, Erik Vázquez e Sara. ¡Parabéns a todos os investigadores! Veremos cantas foron acertadas...

     Pois ben, teño que dicir que Manuel, Seira e Erik Vázquez foron os que deron unha explicación máis completa e clara. Os tres explicaron que Marte ten un tono vermello e que esa é a cor do sangue. Como nas guerras se derrama o sangue dos guerreiros que acaban feridos. Por iso, relacionando a cor predominante neste planeta coa guerra, se decidiu poñerlle o nome do deus romano da guerra: Marte. ¡Parabéns investigadores!

    Os outros nenos e nenas notábase que fixeron a investigación pero esqueceron datos ou mesturaron información e costáballes aclarar esa relación entre o deus Marte e o planeta. Martina falounos dos nomes dos días da semana e a relación cos nomes dos deuses da mitoloxía romana (o luns é o día da Lúa, o martes de Marte, o mércores de Mercurio, o xoves de Xúpiter, o venres de Venus...) pero iso non responde á pregunta plantexada e ademais xa o comentamos na aula cando contamos a historia e puxemos a data, pero valeunos para recordar ofalado onte na aula.

     Se queredes investigar máis sobre os planetas e o espazo , podedes acceder a unha estupenda páxina (clicando sobre SPACEKIDS) que ten moita información, xogos e actividades sobre estas cousas:

       SPACE KIDS

   

      Espero que vos guste.