UN NOVO CURSO CON NOVOS PEMENTEIROS E PEMENTEIRAS

     Pois xa estamos aquí! Chegou o momento do reencontro. Os nenos e nenas de 5 anos chegaron ao cole con moitísimas ganas e unha enerxía desbordante, con moito que contar, con desexos de ver a todos os amiguetes e investigar o que había na nova aula e con toda a tranquilidade do mundo porque xa son os expertos de infantil, xa nos coñecíamos e non mostraron ningunha preocupación polo inicio do novo curso. Por suposto botan de menos ás súas profes Eva e María, estivemos recordándoas e pensando que temos que facer algo para elas, mandarlles algunha mensaxe... Xa iremos organizándonos porque está claro que en canto nos poñamos a traballar, como sempre facemos en infantil, pensaremos qué facer.

     Hoxe foi un día de axetreo porque tocou recoller folios, pañuelos, mudas, gorras, mascarillas... pegar notas nas libretas, organizar bolsas nos percheiros, comprobar listados, empezar a organizar equipos e repetir normas de aula, escoitar as historias do verán de cada un... Estes pementeiros/as chegaron con prisa e querían xogar rapidamente con todo o que había na aula, non lles chegaba o tempo e, encima, o patio está renovado e agora hai uns tobogáns novos que ata teñen unha barra para baixar como si foran bombeiros así que o momento do recreo foi especialmente divertido.

  Por outra banda, xa fixemos unha organización previa de equipos e, mesmo, fixemos xa un cambio plantexado por eles e de xeito moi natural, dúas nenas cambiaron de equipo pero porque as dúas o quixeron e se puxeron de acordo tranquilamente. Agora chegamos ao acordo de que xa temos os equipos feitos e ata que remate o trimestre non podemos cambiar pero non sei eu si non terei que separar a algúns que se levan demasiado ben e teñen moitas ganas de falar e xogar. En fin, ter amigos e ganas de pasalo ben é estupendo así que intentaremos que os equipos funcionen.

    Hoxe, a pesar de tanto axetreo, foi un día xenial, divertido e cheo de actividade. Non saquei moitas fotos porque andaba aproveitando o tempo para recoller materiais e organizar todo o que traían, pero mañán xa vai ir todo máis rodado e seguro que faremos moitas cousas máis.