SAMAÍN 2021

    O venres 29 celebramos finalmente o Samaín e o Magosto despois dun curso e medio, practicamente, sin facer celebracións conxuntas no cole. ¡Por fin! Aínda que non foi  unha festa como a nós nos gusta, compartindo bailes, xogos, merendas, castañas e diversión con todos os nenos e nenas de infantil, temos que estar felices de ir dando pequenos pasos e poder disfrazarnos e facer festa nas aulas. Algo é algo e nós sabemos sacarlle partido a estes días especiais esperando que o vindeiro curso xa poidamos estar todos xuntos e esquecernos, un pouquiño, de tantas medidas de seguridade.

     Pois ben, empezamos a xornada asustándonos cos terroríficos personaxes que ían chegando ao cole: homes-lobo, bruxas, vampiros, morcegos, pantasmas, momias, esqueletes, zombies, Catrinas, Miércoles, Cruellas.... De todo había polas aulas e corredores de infantil e miraras onde miraras, levabas un susto!

    Na Pementeira aproveitamos para cantar e bailar coas nosas cancións de terror favoritas como "A casa do terror" ou "O monstro da lavadora".

   Seguramente o que máis lles gusta a estes pementeiros e pementeiras e disfrutar dos seus disfraces, polo que fixemos unha boa sesión de fotos para recordar estes traballos de caracterización tan orixinais e divertidos. Mirade o vídeo porque estes nenos e nenas estaban espectaculares!

    Pero tamén tivemos tempo de comer castañas, de xogar, de experimentar e descubrir cousas coa mesa de luz, de ir ao patio, de merendar xuntos e disfrutar dunhas galletas e uns gusanitos... en fin que a xornada do venres foi realmente moi completa e... ¡monstruosamente divertida!

   E como vedes, fixemos moitas cousas e aínda tivemos tempo de traballar o ritmo, a coordinación, a concentración e o traballo en equipo coa música... pero xa volo contarei outro día!.