A FRAUTA MÁXICA E BÚSQUEDA DE INTRUSOS

     Hoxe tivemos un día estupendo na Pementeira. Empezamos con boa música da man de "A frauta máxica" de Mozart, unha historia que nos ten moi interesados porque iso de que o príncipe Tamino teña que ir cazar un dragón, obviamente, é emocionante. Hoxe coñecemos ás personaxes protagonistas (aínda que non todas): Tamino, Papageno, as Tres Damas, a Raíña da Noite e Pamina.

     Papageno fixo que os nenos e nenas botaran unhas risas cando se asustou co dragón e cando as tres damas lle puxeron un candado na boca. A raíña da Noite tamén lles chamou a atención con ese aria tan difícil que poucas sopranos son capaces de cantar perfectamente ben.

    Despois estivemos buscando intrusos nunha actividade impresa. Foi rapidísimo porque todos ospementeiros/as tiñan clarísimo que elementos non pertencían a cada conxunto.

     ¿Queredes buscar, tamén, os intrusos nestas imaxes?

   Como fixemos todo tan rápido,porque era moi sinxeliño, aproveitamos para encher a casiña do 20. Despois de poñer todos os números nas habitacións da casiña do número 10 onte, encher hoxe a casiña do número 20 foi pan comido, ou como dicimos in English,   it´s a piece of cake. 

   E como rematamos tan rapidiño o traballo estivemos xogando por equipos, despois saímos ao patio a merendar e seguimos xogando fóra durante o recreo.

   E aínda tivemos tempo de pintar un símbolo da paz con acuarelas que quedou moi bonito e co temos pensado facer algo máis próximamente.

   Agora a ver que podemos facer...