MESTURA DE COUSIÑAS

    Estamos a facer tantas cousas na Pemeneteira que sempre me quedan actividades sin mostrarvos e despois teño que facer unha destas mesturas que a min tanto me gusta. Porque a vida no cole é  así: actividades diferentes coas que traballamos habilidades distintas e contidos do máis diverso. Si seguides lendo esta entrada do blog e vendo as imaxes comprenderedes o que estou a dicir.

   1.- O xoves estivemos traballando o concepto de simetría. Empezamos con exemplos moi prácticos (recortando con tesoiras e doblando os debuxos polo eixe de simetría) para que todos/as comprenderan qué quere dicir que unha imaxen é simétrica. Despois fixemos unha actividade impresa.

    2.- O venres non fixemos a nosa sesión de ioga completa porque estamos preparando unha presentación sobre instrumentos africanos e facendo concertos. Pero antes de poñernos a gravar fixemos unha asana para relaxarnos: VIPARITA KARANI.

     Esta posición axúdanos a reducir o estrés, a mellorar o fluxo sanguíneo, calmar o sistema nervioso e reducir ador de cabeza. É moi sinxela de realizar, chega con colocar unha esterilla ou manta no chan para non coller frío e situarse tumbados sobre a espalda coas pernas apoiadas na parede formando un ángulo recto. Podedes practicala na casa por exemplo antes de ir a dormir para calmar a nosa mente e mellorar a circulación nas nosas pernas que poden estar cansadas de todo o día e tamén nos axuda a non ter insomnio.

    Si queredes ver un adianto do que vai ser a nosa presentación de instrumentos africanos, aquí vos deixo os primeiros vídeos que gravamos.

  3.- Seguimos coñecendo e experimentando coas regletas para descompoñer números e facer sumas. Mirade como foron investigando os diferentes equipos.

    4.- Como estamos coñecendo instrumentos africanos, aproveitamos para aprender algunhas cousiñas interesantes sobre as tradicións máis características de África, ou máis concretamente dos países do oeste deste continente. Por exemplo, estivemos vendo, tocando e escoitando a KORÁ, un instrumento de corda que soen empregar os GRIOTS cando van polos diferentes poboados contando as súas historias ou recitando poemas ao son da fermosa música desteinstrumento. A korá é un elemento importante da cultura dos pobos de África occidental e tocala está reservado para os griots.

     Aínda que a korá é tradicionalmente un instrumento reservado aos homes que o transmitían de pais a fillos, xurdeu unha muller de orixen gambiano que provén dunha das principais liñas de griots de África occidental. neta dun griot e prima dun xenial intèrprete de Kora. Ela, SONA JOBARTEH, é a primeira muller da súa familia que tocou publicamente este instrumento. Empezou a aprender a tocar este instrumento desde os 3 anos da man do seu pai e o seu irmán.

   5.- Seguimos pintando o mural do patio que iniciamos en xaneiro para conmemorar o Día da Paz. É unha tarefa longa plantexada coa finalidade de que participen todos os nenos e nenas da escola como un xeito de mostrar que o importante é traballar en equipo, colaborar e construir xuntos en lugar de pelexar e derrubar o que non nos gusta. Como a Paz non debemos celebrala un único día no ano, nestes días especialmente gústame que os nenos teñan presente a importancia que ten formar parte dunha comunidade, reforzar os lazos que nos unen en lugar de resaltar o que nos separa, e traballar xuntos para crear cousas fermosas. O mural xa está cobrando vida, pouco a pouco,