E chegou o momento de iniciar un novo curso! O tempo pasa voando e despois de despedir aos antigos habitantes da Pementeira no mes de xuño, chega setembro e é o momento de que un novo grupo de nenos e nenas tomen posesión da aula e empecen a deixar a súa pegada neste espazo de infantil do Rosalía.
21 peques chegaron hoxe con ilusión ao cole de maiores, algúns cun pouco de inseguridade e certa preocupación, outros cheos de enerxía e disposición... Pero a cuestión é que o día foi estupendamente e a primeira xornada deste Período de Adaptación foi todo un éxito e fixemos moitas cousas.
Primeiro coñecemos a Pepe, un poliño moi comilón que nos estaba esperando na aula. Contamos o conto, pintamos cos dedos, xogamos na cociña, visitamos o patio, cantamos e bailamos a canción de Pepe, colocamos a nosa foto no percheiro de fóra... A verdade é que non hai queixa. Seguro que mañán será aínda mellor!
.jpeg)
No hay comentarios:
Publicar un comentario