UNS MONSTROS MOI DIVERTIDOS

    Hoxe tivemos un día perfecto! Desde primeira hora ata que marchamos para o comedor foi todo sobre rodas, practicamente todosos nenos e nenas puxeron o mandilón sen protestas nin choros nin nada similar, cantamos as cancións de inicio con alegría e ritmo, estamos aprendendo unha nova canción en inglés, falamos un pouquiño na asamblea, Irea e Mateo Lobato saíron voluntarios para ser a exploradora e o explorador e axudar á profe, pasaron lista moi ben e finalmente escoitamos un conto realmente divertido que se titula "Glad monster, sad monster". Teño  que dicir que sei que a estas nenas e nenos lles gustan os contos pero hoxe houbo moitísimas risas e iso é xenial.

    Despois do conto estivemos vendo unhas mazorcas de millo, falando sobre as cousas que podemos facer co millo e unha das mazorcas colocámola nunha cubeta cun pouquiño de auga preto da ventana, ¿para que?, pois iso ímolo descubrir dentro de pouco (ou iso esperamos todos/as). Cada día iremos vendo o que pasa  e xa volo contaremos.

    O martes estivemos practicando o trazo do número 1 e, en xeral, vai saíndo bastante ben para ser o primeiro intento. 

      E hoxe levou a Galopín o pementeiro Gael, que marchou moi contento para a casa. Espero que Galopín se porte ben e toda a familia disfrute con esta visita.

  ¡Parabéns a todo o grupo de pementeiros e pementeiras por comportarse hoxe tan ben, por facer as cousiñas con calma e alegría, por disfrutar no cole e por non ter nin un pequeniño capricho en todo o día, por escoitarme, por ter ganas de que lles lera poesías e por recordar todos os bits de intelixencia! ¡Que ben o pasamos! Hoxe foi un día  realmente xenial!!!!