CASTAÑAZOFEST 2024

     Finaliza o mes de outubro coa 1ª edición do Castañazofest que resultou ser todo un éxito. A verdade é que todo foi sobre rodas, disfrutamos dun fermosos día de sol, con temperatura moi agradable, con moitos sorrisos e moitas ganas de xogar ecompartir bos momentos, os nenos e nenas de infantil viñeron cheos de enerxía, alegres e perfectamente caracterizados de vampiros e vampiresas, momias, morcegos, arañas, bruxas, cabazas, demonios, esqueletes e personaxes como It ou Mércores. Estaban todos/as fantásticamente terroríficos/as e divertidos/as que era do que se trataba. Sacamos moitas fotos, que quedaron realmente bonitas (hai quen disfruta moito poñendo poses divertidas e facendo de modelos espontáneos) comemos castañas no patio xunto con todo o alumnado do cole, participamos na pasarela de disfraces, degustamos uns peperetes ben sabrosos na aula de psico, xogamos un montón no patio, bailamos, cantamos e ata vimos un corto de medo. Foi todo divertido, emocionante e o día transcurriu cheo de boas sensacións e sen problemas de ningún tipo. Pasámolo realmente ben todos xuntos!  Ata tivemos tempo de levar os restos orgánicos ao composteiro, e de marcar os días que van pasando no proceso de incubación dos ovos. E agora na casa podedes ver algunhas imaxes que resumen esta xornada festiva. Espero que vos gusten.

 

 

 

 

    Como vedes foi un día intenso e ben completiño. E quizá á volta destes días de descanso teñamos algunha sorpresa na aula. estamos xa na recta final da experiencia de incubar ovos na aula e agora toca comprobar se algún pitiño ven ao mundo na Pementeira. Qué expectación!

A próxima semana vai ser moi emocionante!!!!!!